បទចំរៀង

somsovannara — Sat, 08 Sep 2007 08:48:44 +0000

បទចំរៀងសិនស៊ីសាម៉ុត

១. ក្រោមមេឃលើដី មានតែស្រីមួយ
ដែលជាជំនួយនៃរឿងជីវិត
ខ្លួនអូនស្នេហ៍អូនជាទឹកអម្រឹត
ជួយស្រង់ជីវិត ឲ្យមានដង្ហើម ។

២. បុប្ផារស់បាន អាស្រ័យគង្គា
ទេសភាពនានាអាស្រ័យសន្សើម
រូបបងរស់បានអស្រ័យថ្លៃថ្លើម
គឺជាដង្ហើមផ្សើមឫសសង្ខារ ។

បន្ទរ. ក្នុងលោកនេះណា កល្យាណ
គ្មានអ្វីសំខាន់ដល់បងឡើយណា
មានតែអូនមួយជាត្រួយនេត្រា
ដែលរៀមប្រាថ្នា ជាគូលុះក្ស័យ ។

៣. ទោះជាផែនដីរលាយសោះសូន្យ
ស្នេហ៍បងនឹងអូន មិនសូន្យទេថ្លៃ
ស្នេហ៍រស់គង់វង់រុងរឿងលុះដល់ក្ស័យ
គ្មានអ្វីប្រល័យស្នេហ៍យើងបានឡើយ ។

ភ្លេង – បន្ទរ – ៣

ចប់

១. បងព្រាត់ពីអូនព្រាត់ទាំងស្រលាញ់
ហើយបងចុះចាញ់ក្ដីស្នេហ៍ដែលបងប្រាថ្នា
បើទ្រាំទៅទៀតក៏ឥតខ្លឹមសារ
ក្នុងភពស្នេហាសែនក្ដៅ ។

២. បងព្រាត់ពីអូនព្រាត់ទាំងទឹកភ្នែក
ចម្រៀងថ្ងៃស្អែកក៏នៅមានន័យហ្មងសៅ
គេចមិនផុតទេអន្លង់ស្នេហ៍ជ្រៅ
ស្រមៃស្រែកហៅតែអូន ។

បន្ទរ. កែវភ្នែកធ្លាប់សម្លឹង
ទោះបីខឹងភ័ក្ត្រមិនដែលស្រពោន
មិននឹកស្មានថាព្រាត់អូន
ជីវិតដូចក្បូនលូនរសាត់គ្មានត្រើយ ។

៣. ឈ្មោះអូនដូចផ្កាបងដូចជាព្រះ
បងស្រលាញ់ណាស់មិនចង់ឃ្លាតពីចិត្តឡើយ
ពេលនេះស្រែកហៅមិនឮសូរឆ្លើយ
អស់ហើយសេចក្ដីសង្ឃឹម ។

(ភ្លេង – បន្ទរ – ៣)

ចប់

១. សម្លេងចម្រៀងមួយម៉ឺនអាល័យ
ចម្រៀងច្រៀងថ្មី និង ក្រោយបង្អស់
ចម្រៀងអ្នកក្រថ្ងូរស្រែកស្រណោះ
ស្ដាយចិត្តដែលស្មោះស្ដាយឈ្មោះស្នេហា ។

២. ចម្រៀងសោកស្ដាយក្លាយជាពរជ័យ
ជាចំណងដៃដល់ថ្ងៃរៀបការ
ច្រៀងរាប់ភ្ជាប់រឿងដែលឥតខ្លឹមសារ
ជារឿងអនិច្ចារស្នេហាប្រួលប្រែ ។

បន្ទរ. តែស៊ូកាត់ចិត្តទាំងម៉ឺនអាល័យ
ទោះជីវិតក្ស័យក៏សុខចិត្តដែរ
តែសូមឲ្យអូនប្រកបក្ដីស្នេហ៍
កុំឲ្យបែកបែរដូចស្នេហ៍ប្រុសបង ។

៣. ចម្រៀងអាល័យក្នុងថ្ងៃបែកគ្នា
ទឹកភ្នែកច្រៀងលាគ្រាធ្លាប់ឆ្លើយឆ្លង
លារឿងទាំងអស់ លាឈ្មោះអូនបង
លាចិត្តដែលប៉ងឆ្លងស្ពានជីវិត ។

ចប់

១. ខ្ញុំស្រលាញ់ៗ តែអូន
ចំនួនបីរយហុកសិបប្រាំឆ្នាំ
បងនៅតែចាំច្រើនឆ្នាំចាំជួបតែពៅព្រលឹង
ដូចរដូវរីងហួតហែង ។

២. មួយឆ្នាំមាន៣៦៥ថ្ងៃ
បងគេងនឹកស្រមៃ ដួងចិត្តចំបែង
ទឹកភ្នែកហូរអាល័យ រាល់ពេលរាត្រីម្នាក់ឯង
វង្វេងនឹករឮកស្រី ។

បន្ទរ. ចង់ជួបមុខ ចង់តែជួបមុខស្រស់ចរណៃ
ទឹកភ្នែកស្រែកយំ ស្រែកយំក្ដែងៗ រាល់ថ្ងៃ
ចង់ថ្លាថ្លែងសម្ដី រៀបរាប់រឿងស្នេហ៍ថ្មី
ស្រីអើយ បងចង់បានប្រាណបីត្រកង ។

៣. មើលភក្ត្រអូនមិនចេះធុញទ្រាន់
មើលមិនឆ្អែតឆ្អន់ទេស្នេហ៍ស្នង
មើលយូរៗទៅរឹតតែចង់ក្រសោបឱបត្រកង
ឲ្យសមបំណងប៉ងស្នេហ៍ស្រី ។

២ – បន្ទរ – ៣

ចប់

អានី ខ្ញុំនឹងច្រៀងចម្រៀងនេះដើម្បីអ្នក

១. អានី រាត្រីដែលរៀមបានជួបថ្លៃ
រាត្រី ដែលនាំមកនូវក្ដីវិបត្តិ
ញាប់ញ័រក្នុងចិត្ត ដែលរូបស្រីមិនគិត
អាណិតដល់រូបខ្ញុំលួចសម្លឹងអ្នក ។

២. អានី ពេលស្រីរាំ ខ្ញុំពាំទុក្ខព្រួយ
ខ្លួនមួយ ទ្រូងរែងព្រួយ ក្រៀមក្រំខ្លោចផ្សា
យ៉ាងណាប្រាថ្នា សូមតែចិត្តភក្ដី
បើស្រីមិនបេតីសូមស្រីមេត្តា ។

បន្ទរ. ខ្ញុំឈរកៀនលួចគន់ភក្ត្រា
ដូចឃើញតារាដែលរះសែនឆ្ងាយ
ចិត្តរៀមនៅ នឹកស្ដាយដល់កាយស្រី
ថ្លៃមិនប្រណីបេះដូងកំព្រា ។

៣. អូ អូ! អានី រឿងអ្វីទៀតខ្ញុំបំភ្លេចបាន
កល្យាណ បំភ្លេចមិនបានដោយរឿងហេតុអ្វី
សូមស្រីជួយឆ្លើយ នូវចម្លើយយ៉ាងខ្លី
បើថ្លៃមិនបេតី សូមស្រីមេត្តា ។

ពោល. អានី ពេលស្រីរាំខ្ញុំពាំទុក្ខព្រួយ
ខ្លួនមួយ ទ្រូងរែងព្រួយក្រៀមក្រំខ្លោចផ្សា
យ៉ាងណា ប្រាថ្នាសូមតែចិត្តភក្ដី
បើថ្លៃមិនបេតី សូមស្រីមេត្តា ។

បន្ទរ – ៣

អានី សូមស្រីកុំជិនណាយនឹងរូបបងឲ្យសោះ

ចប់

១. ពេលយប់ក៏ព្រួយ ពេលថ្ងៃក៏ព្រួយ
បងរឭកនឹកតែអូនមួយ ជាត្រួចចិន្ដាទៅហើយ
អូននៅម្នាក់ឯង ៗ ៗ គ្មានបងឆ្លងឆ្លើយ
តើអប្សុកយ៉ាងណាអូនអើយ
អូនអើយ បងអាណិតណាស់ ។

២. បងជឿជាក់ហើយ ថាអូនភក្ដី
តែចិត្តបងចេះតែព្រួយភ័យ ខ្លាចស្រីថ្ងៃក្រោយភ្លេចបង
បងយល់អ៊‍ីចឹង កុំខឹង ៗ ណាកែវនួនល្អង
ព្រោះស្រលាញ់ពេកទេស្នេហ៍ស្នង
ទើបជឿផងភ័យផងណាអូន ។

បន្ទរ. ស្ដាយមិនបានរស់ជាមួយគ្នា
ជួបមួយឃ្លា ៗ រួចលាព្រាត់គ្នាទីទៃ
បងដូចសូរិយា អូនដូចរាត្រី ជួបគ្នាតែពេលថ្ងៃ
រាត្រីមកដល់បែកគ្នា ។

៣. បងព្រួយខ្លាចអូនឈឺថ្កាត់ពេលយប់
បងព្រួយមែនស្បថម្រាមដៃដប់
យល់សប្តិឃើញតែអូនទេ
ឮស្គរគ្រហឹម គ្រឹម ៗ គ្រឹម ៗ បងភ័យណាស់ស្នេហ៍
នឹកអូនភ្លាម គ្មានបងនៅក្បែរ
តើមាសមេរងាយ៉ាងណា ?

ចប់

១. ( ??? ) អើយនែ អង្ករស្រូវថ្មី
ស្រីបុកពីរនាក់នឹងបង
( ពីរដង )
ដាំបាយដាក់បាតយកបុណ្យផង
អូននឹងបង ចាំខែរងា
យើងនឹងរៀបការ
អើយរៀបការ ( ពីរដង )
តាមប្រពៃណី ( ពីរដង ) ។

២. ( សាមុត ) អើយនែ អង្ករស្រូវថ្មី
ដៃបង បងកាន់អង្រែ
( ពីរដង )
អូនរែងឥតឈប់ទំនេរ
យើងទាំងទ្វេ ខំប្រឹងធ្វើការ
កុំឲ្យអ្នកស្រុកថា ( បីដង )
ប្ដីប្រពន្ធនេះ មិនចេះរកស៊ី ។

ភ្លេង – ច្រៀងឡើងវិញ

ចប់

១. (សាមុត) ចុះផ្កាអ្វីក៏រីកក្នុងសួននេះ ?
ថាម្លិះក្ដាំងងា ដូចជាមិនត្រូវ
ល្អទាំងសម្ផស្ស ក្លែបក្លិនក្រអៅ
រីករះក្បែរផ្លូវរំសាយកេសា ។

២. (សាមុត) មើលទៅចង្កេះរាងរៀវសែនក្ដួច
សុដន់ក្បំតូច ម្រាមដូចបន្លា
ចិញ្ចើមមូលខ្វង់ សមទ្រង់នេត្រា
តែស្ដាយព្រោះផ្កា មិនចេះឆ្លើយឆ្លង ។

៣. (សុទ្ធា) រូបខ្ញុំជាស្រីពេញវ័យដូចផ្កា
ម្ដេចមកប្រាថ្នាស្នេហ៍បំពានច្បាប់
ខ្លាចណាស់ក្ដីស្នេហ៍ នាំតែចុកចាប់
ស្នេហ៍រំលងច្បាប់នាំកើតទុក្ខា ។

បន្ទរ. (សាមុត) កុំអាលឆាប់ខឹងពេកព្រលឹងបង
ខុសឆ្គងតិចតួចក៏សូមមេត្តា
(សុទ្ធា) នែប្រុសកំហូចកុំចេះតែថា
(សាមុត) បងមិនមុសាបោកជីវាទេ ។

៤. (សាមុត) ជាតិនេះបងប្រាថ្នាតែកល្យាណ
ទោះបីក្ស័យប្រាណក៏បងមិនស្ដាយ
(សុទ្ធា) កុំសង្ឃឹមថ្វី ណាប្រុសឆោមឆាយ
ស្នេហ៍បងពិតជាពោះម៉ាយហើយណា ។

ចប់

១. (ស)មើលមេឃ មេឃស្រលះភ្លឺថ្លា (ប)មើលផ្កាឃ្មុំក្រេបលំអង
(ស)បុប្ផាគឺអូនឯឃ្មុំគឺបង (ប)កែវកុំសៅហ្មងឃ្មុំបងក្រេបផ្កាតែមួយ
(ស)បើផ្ការោយ (ប)ឃ្មុំឥតព្រួយ មួយនឹងមួយមិនផ្លាស់ទេ
(ស)អូនមិនជឿសោះសម្ដីបុរសហូរដូចទន្លេ
(ប)ជឿអ្នកណាមាសមេ ឬមួយជឿគេជាងបង ។

២. (ប)ព្រលឹងកុំទាន់ខឹងពីសី ប្រណីហុចថ្ពាល់ឲ្យបង
បងសូមអង្អែល អង្អែលថើបផង ថើបមួយម៉ឺនដង
(ស)នែបង!ថយចេញឲ្យឆ្ងាយ (ប)ចេញទៅណា?
(ស) ចេញឲ្យឆ្ងាយ! (ប) ឱ!ឆោមឆាយមិនទៅទេ
ចិត្តអាក្រក់ម្ល៉េះ (ស)មិនមែនចិត្តអាក្រក់ទេ
បើចង់ថើបទាល់តែស្នេហ៍កោរពុកមាត់ចេញទៅ ។

៣. (ប)អ៊ីយ៉ាស!កោរមិនបានទេអូន
(ស)ប្រុសស្ងួនមានអ្វីលាក់បាំង?
(ប)ពុកមាត់បងនេះគឺជាកម្លាំង
តែកោរទៅអស់ខ្លាំងខ្លាចខ្មាំងសត្រូវមើលងាយ
(ស)ភរឬភូត? (ប)នែ!ឆោមឆាយបងនិយាយកាពិតច្បាស់
កុំប្រាប់អ្នកណាពីអានុភាពនេះ
ទុកពុកមាត់ពិសេសដើម្បីការពារស្នេហ៍យើង ។

ភ្លេង

៤. (ប) ឃ្លានណាស់អើ..អើយឆោមឆាយ តើបាយដាំឆ្អឹនហើយនៅ? (ស្ទួន)
(ស)ឆ្នឹនហើយឱណាប្រុសពៅ (ប)មានអ្វីខ្លះទៅ…ម្ហូបអាហារ?
(ស)មានគ្រប់សម្លរអាំងឆារ អញ្ជើញពិសារណាអ្នកប្ដីអើយ
(ប)តើមានប្រហុកតប់ទេ? (ស)ប្រុសស្នេហ៍មានដែរណាប្ដី (ស្ទួន)
(ប)អូ!ត្រូវហើយនឹងអន្លក់ស្វាយខ្ចី បេះពីព្រៃថ្មីៗ អូហ៍!ស្រក់ទឹកមាត់ច្រោក (ស្ទួន) ។

ចប់

១. មើលស្ទឹងសង្កែ មើលខ្សែទឹកហូរ
ត្រពាំងវត្តពោធិ៍ លាយនឹងជំនោរថ្ងួចថ្ងូរផ្ដាំទឹកជំនន់
រៃយំទ្រហឹង លាស្ទឹងកវីនិពន្ធ
សូរិយាទោរទន់ ពួនក្រោយផ្ទះស្រី ។

២. ដើមដូងទីដប់ ម្លប់ក្របមាត់ស្ទឹង
បងឈរស្ងៀមធ្មឹង ឈរចាំព្រលឹងស្ងាត់ឈឹងលុះលង់រាត្រី
អូនភ្លេចវាចា ដែលបានសន្យាពីថ្ងៃ
ថាម៉ោងប្រាំបី ស្រីមកជួបបង ។

បន្ទរ. ឥឡូវបាត់សូន្យ ដូចក្បូនរសាត់
ទឹកគួចសំណាត់ ហូរលឿនកន្លង
បុណ្យផ្កាវត្តពោធិ៍ នៅមិនទាន់ឆ្លង
មិនគួរនួនល្អង ប្រែខ្នងសូន្យសោះ ។

៣. ភ្លេងការគ្រឹមៗ ពីទួលតាឯក
ក្លាយពីខ្លងខែក នារីពស់វែក បិទភ្នែករៀបការនឹងប្រុស
បងឈរមាត់ស្ទឹង ប្រឹងយំរងំក្នុងពោះ
លាស្រីស្រោមងោះ ឈ្មោះក្នុងជាខ្លា ។

ភ្លេង – ៣

ចប់

១. ឱរាត្រីស្ងាត់នាមាត់ទន្លេ
កន្លែងគូស្នេហ៍ ធ្លាប់មកកំសាន្ត
អង្គុយ រៀបរាប់រឿងស្នេហ៍ពីរប្រាណ
ក្រោមដួងព្រះចន្ទ ដែលរះពេញវង់ ។

២. ដើមដូងដុះទេរទាបទៅមាត់ស្ទឹង
ជាដួងព្រលឹង ខ្ញុំនិងនួនល្អង
ដូងអើយ ដូងទេរកុំរេសៅហ្មង
ជួយចាំខ្ញុំផង ចាំរឿងស្នេហា ។

បន្ទរ. យប់យន្តត្រជាក់ ខ្យល់ធ្លាក់រំភើយ
ក្រអូបបង្ហើយក្លែបក្លិនកន្និដ្ឋា
ក្លិនផ្កាចំប៉ី ក្លិនស្រីជីវា
ជីវិតស្នេហា ប្រាថ្នាគ្រប់ជាតិ ។

៣. គូខ្ញុំបើព្រាត់ គឺព្រាត់ដោយកម្ម
មិនមែនចិត្តនាំ ឲ្យខ្ញុំឃ្លាងឃ្លាត
ជាតិនេះ ជួបហើយជាតិក្រោយជួបទៀត
សូមជួបគ្រប់ជាតិ កុំឃ្លាតសោះឡើយ ។

ភ្លេង – បន្ទរ – ៣

ចប់

នីកូដខែ្មរចុចត្រង់នេះ

somsovannara — Thu, 26 Jul 2007 05:17:32 +0000

នីកូដខែ្មរចុចត្រង់នេះ

យើងជាវិរះបុរសខ្ែមរឈាមខ្ែមរត្រូវតែជាអ្នកសេ្នហាជាតិ

បទចំរៀង

បទចំរៀងសិនស៊ីសាម៉ុត

ចប់

នីកូដខែ្មរចុចត្រង់នេះ